અમદાવાદમાં નવા મતદાર બનવા 1.36 લાખથી વધુ યુવાનોએ અરજી કરી

[ad_1]

અમદાવાદ,તા.06 ડિસેમ્બર 2021,સોમવાર

અમદાવાદમાં હાથ ધરાયેલી મતદારયાદી સુધારણા કાર્યક્રમમાં કુલ ૨,૭૬,૪૨૦ અરજીઓ આવી છે. જેમાં ૧૮ વર્ષની ઉંમરવાળા અને પ્રમથ વખત મતદાર બનવા માંગતા હોય તેવા કુલ ૧,૩૬,૮૯૮ યુવાનોએ પણ અરજી કરી છે. નામ કમી માટેની કુલ ૨૯,૪૩૭ , સુધારા માટેની કુલ ૯૪,૯૭૦ અને સ્થળાંતરના કેસમાં કુલ ૧૫,૧૧૫ અરજીઓ આવી છે. સારી બાબત એ છેકે કુલ આવેલી અરજીઓમાંથી ૬૫,૯૬૫ અરજીઓ ઓફલાઇન આવી છે જ્યારે ૨,૧૦,૪૫૫ અરજીઓ ઓનલાઇન આવી છે ! જાન્યુઆરી માસમાં ચકાસણી સહિતની કામગીરી કરાશે અને આખરી મતદારયાદી પ્રસિદ્ધ કરાશે.

દસક્રોઇ અને વટવા વિધાનસભા ક્ષેત્રમાંથી સૌથી વધુ ૧૮,૬૪૯ અરજી ઓનલાઇન આવી છે. બંને વિધાનસભા ક્ષેત્રમાંથી એક સરખી સંખ્યામાં અરજીઓ આવી છે. સાણંદ, ઘાટલોડિયા, વેજલપુર, નારણપુરા, ધોળકા અને ધંધૂકામાંથી ૧૦ હજારથી વધુની અરજીઓ ઓનલાઇન આવી ગઇ છે. અસારવામાંથી સૌથી ઓછી ૪,૯૩૭ અરજીઓ ઓનલાઇન આવી છે. 

ઓફલાઇન અરજીની વાત કરીએ તો મણિનગરમાંથી સૌથી વધુ ૫,૩૮૮ અરજીઓ ઓફલાઇન આવી છે. જ્યારે સૌથી ઓછી ઓફલાઇન અરજી અસારવામાંથી ૧,૩૧૬ આવી છે. દસક્રોઇ વિધાનસભાક્ષેત્રમાંથી સૌથી વધુ ૧૩,૬૬૬ અરજીઓ નવા મતદાર બનવા માટેની સૌથી વધુ આવી છે. ત્યાર બાદ વટવા, ઘાટલોડિયા અને ધંધૂકામાંથી અરજીઓ ૧૦ હજારથી વધુ આવી ચૂકી છે.

નામ કમી કરાવવાની વાત આવે તો પણ દસક્રોઇમાંથી સૌથી વધુ ૨,૩૬૬ અરજી આવી છે. સુધારા વધાર માટે નારણપુરામાંથી સૌથી વધુ ૧૪,૫૪૩ અરજીઓ આવી છે. સ્થળાંતરના કેસની વાત કરીએ તો ઘાટોલોડિયામાંથી સૌથી વધુ ૧,૯૮૫ અરજીઓ આવી છે.

આગામી વર્ષે વિધાનસભાની ચૂંટણી યોજાઇ રહી છે. ત્યારે તાજેતરમાં વિશેષ મતદારયાદી સુધારણા કાર્યક્રમ યોજાયો હતો. રવિવારે બીએલઓ મતદાન કેન્દ્ર સુધી જઇને હાથોહાથ અરજીઓ સ્વીકારી હતી. હવે જાન્યુઆરી માસમાં આ અરજીઓની ચકાસણી કરાશે. અને નવા ચૂંટણીકાર્ડ ઇશ્યું કરાશે. નામ કમી, સુધારા, સ્થળાંતર સહિતના કેસમાં આવેલી અરજીઓનો પણ નિકાલ કરાશે. 

અમદાવાદમાં મતદારયાદી સુધારણામાં કેટલી અરજીઓ આવી ?

[ad_2]

Source link