આ કાર્યક્રમ આનંદ નિકેતન એકલવ્ય મોડેલ, સ્કૂલ ( કપરાડા)ના પ્રિ. શ્રી વસંતકુમાર પાઠક તથા જાયન્ટ્સ ગ્રૂપ ઑફ, વલસાડના પ્રમુખ ડૉ.આશા ગોહિલ દ્વારા યોજાયો.
ડૉ. પ્રતીક પરમારે એમના વક્તવ્યમાં દાંત અંગે પ્રાથમિક સમજ આપ્યા બાદ દાંતની સામાન્ય સમસ્યાથી લઈ માંડીને વાતો પાવર પોઇન્ટ પ્રેશન્ટેશન દ્વારા કરી. લગભગ 257 જેટલાં વિદ્યાર્થીઓને આ વક્તવ્યનો લાભ મળ્યો.અંતે પ્રશ્નોત્તરીમાં મૂંઝવતા પ્રશ્નોનું નિરાકરણ કરવામાં આવ્યું.. દાંતને લગતી સમસ્યાઓનું નિરાકરણ તો થયું સાથે
દાંતની કેવી રીતે સરસ માવજત કરી શકાય જેથી ભવિષ્યમાં દાંતને લગતી નાનીમોટી કોઈ તકલીફ ઊભી ના થાય એ વિશે વિગતે સમજ પ્રાપ્ત થઈ.
ગુજરાતના વિવિધ પ્રદેશના વિદ્યાર્થીઓ કપરાડા તાલુકાના પહાડી અંતરિયાળ વિસ્તારમાં આવેલ આ સંસ્થામાં ઘરપરિવારથી દૂર રહી અભ્યાસ કરે છે. આ વિદ્યાર્થીઓને દાંત અંગે વિવિધ માહિતી જાણવા મળી.
