વાપી સ્થિત આર.કે. દેસાઈ કોલેજ ઓફ કોમર્સ એન્ડ મેનેજમેન્ટના વિદ્યાર્થીઓએ અદાણી થર્મલ પ્લાન્ટ સ્ટેશન , દહાણુ ની મુલાકાત લીધી. ૨૭ જાન્યુઆરી ૨૦૨૫ ના રોજ વાપી સ્થિત આર. કે. દેસાઈ કોલેજ ઓફ કોમર્સ એન્ડ મેનેજમેન્ટના છેલ્લા વરસના બીબીએ, બીકોમ અને એમકોમના વિદ્યાર્થીઓમાં ટેક્નિકલ, પ્રોડક્શન અને મેનેજમેન્ટ સ્કિલ વિકસાવવાના હેતુસર દાણું ખાતે આવેલ અદાણી થર્મલ પ્લાન્ટ સ્ટેશનની મુલાકાત લીધી હતી. કંપનીના આસિસ્ટન્ટ મેનેજર સંતોષ સહદયો પેડનેકરે બાળકોને પ્લાન્ટની મુલાકાત કરાવી અને વિવિધ મોડલો દ્વારા વીજ ઉત્પાદનના સમગ્ર પ્રક્રિયાનું પ્રત્યક્ષ નિદર્શન સાથે જ્ઞાન આપ્યું. આ સાથે જ કંપનીના વિવિધ ડિપાર્ટમેન્ટની મુલાકાત કરાવી તેની કામગીરી અંગે સરળ શૈલીમાં વિસ્તૃત વર્ણન દ્વારા બાળકોમાં ટેક્નિકલ સાથે સાથે પ્રોડક્શન કૌશલ્ય ઉજાગર કર્યું હતું.
પ્રોજેક્ટ ઉડાન કોઓર્ડિનેટર નરેશ ચિલુકાનું સંપૂર્ણ સહયોગ રહ્યો હતો. આ જ્ઞાનરૂપી મુલાકાતનું આયોજન બીબીએ વિભાગના હેડ ડો. પ્રિન્સી ઠાકુર, બીકોમ અંગ્રેજી માધ્યમ ના હેડ ડો. અમિત સોનવણે તથા પ્રો. સોફિયા મોઝેસ દ્વારા કરવામાં આવ્યું હતું. પ્રસ્તુત પ્લાન્ટ મુલાકાતનું આયોજન કરવા બદલ સંસ્થાના ચેરમેન શ્રી મિલન દેસાઈ સાહેબ, કેમ્પસ ડાયરેક્ટર ડો. મિત્તલ શાહ અને ઇન્ચાર્જ આચાર્ય ડૉ. શીતલ ગાંધી તેમજ સમગ્ર અધ્યાપક ગણે અભિનંદન પાઠવ્યા હતા.
