[ad_1]
ભુજ, ગુરૃવાર
ભુજ સહિત સમગ્ર કચ્છ જિલ્લામાં લગ્નસરાની સીઝન પુરબહાર ખીલી છે. હવે માત્ર સારા પ્રસંગો માટે ગણતરીના દિવસો બાકી રહ્યા છે ત્યારે ફૂલોના ભાવ ઉંચકાઈને બમણા થઈ જવા પામ્યા છે. કચ્છના શહેરી વિસ્તારોની બજારોમાં ગુલાબ, ગલગોટા, સેવંતી, જરબેરા અને ડચ ગુલાબ જેવા ફૂલોની માંગમાં વાધારો થતા ભાવમાં પણ વાધારો થયો હોવાનું વેપારીઓ જણાવી રહ્યા છે.
આ અંગે ફુલના વેપારીઓના કહેવા મુજબ ગુલાબ અને ગલગોટાનું ઉત્પાદન સૃથાનિકે થતું હોઈ પાછોતરા વરસાદ પછી ફાલ ખૂબ ઉતરી રહ્યો છે. છતાં માંગના કારણે ભાવમાં વાધારો છે. દેશી ગુલાબનો ભાવ રૃા. ૧પ૦ પ્રતિકિલો ચાલી રહ્યો છે. એ જ રીતે ગલગોટા રૃા. પ૦-૬૦માં મળે છે. જ્યારે સેવંતીના ભાવ રૃા. ૧પ૦ બોલાઈ રહ્યા છે. અત્રે ઉલ્લેખનીય છે સામાન્ય દિવસોમાં આવા ભાવ નાથી હોતા.
કચ્છમાં લગ્નગાળામાં જરબેરા અને ડચ ગુલાબની માંગ રહેતા બહારાથી મંગાવવા પડે છે. જો કે લગ્નવાડી, પાર્ટી પ્લોટ અને લગ્નહોલમાં ડમી કરતા કુદરતી ફૂલોનો વપરાશ પણ કરનારા લોકોની સંખ્યા વાધી રહી છે. ફુલોના ધંધાર્થીઓના કહેવા મુજબ બે વર્ષ બાદ સરકાર દ્વારા વધુ છૂટછાટ મળતા આ વ્યવસાયમાં તેજી આવી છે. ઉપરાંત હાલમાં ધાર્મિક આયોજનો પણ વધુ થતા હોઈ ફુલોની માંગમાં વાધારો થયો છે. જો કે કોરોનાની બીજી લહેરમાં ધાર્મિક-સામાજિક કાર્યક્રમો મુલત્વી રાખવામાં આવ્યા હતા. ત્યારે ધંધો લગભગ ઠપ થઈ ગયો હતો અને વેચાણ પણ સૃથગિત હતું. આવા સંજોગોમાં ફુલ બગડી જવાની કે ધંધાર્થીઓને નુકશાન થવાની ઘટનાઓ પણ બની હતી. જો કે ચાલુ વર્ષના આ અંતિમ માસમાં કચ્છમાં ધાર્મિક, સામાજિક, રાજકીય કાર્યક્રમો દરમિયાન ફુલોની માંગ વાધતા વેપારમાં તેજી આવી છે.
[ad_2]
Source link
