વડોદરા: મોબાઇલ ફોન આંચકી લેતી બાઈકસવાર ગેંગ સક્રિય: ત્રણ રાહદારીના મોબાઈલ ફોનની લૂંટ

[ad_1]

વડોદરા, તા. 05

વડોદરામાં વિતેલા 24 કલાક દરમિયાન અલગ-અલગ ત્રણ સ્થળોએ રાહદારીઓના હાથમાંથી મોબાઈલ ફોનની લૂંટ ચલાવી બે અજાણ્યા બાઇક સવાર શખ્સો નાસી છૂટયા હોવાના બનાવો અલગ-અલગ પોલીસ મથકે નોંધાયા છે.

વડોદરા શહેરના ન્યુ વીઆઇપી રોડ પર રહેતો સુનિલ શુક્લા ગઈકાલે વહેલી સવારે આજવા રોડ ઉપર આવેલા હનુમાનજીના મંદિરે દર્શન કરવા હેતુ પગપાળા જઇ રહ્યો હતો. તે સમયે બાઇક ઉપર ધસી આવેલા બે અજાણ્યા શખ્સો પૈકી પાછળ બેસેલા શખ્સે 40 હજારની કિંમતના મોબાઇલ ફોન ઝૂંટવી લૂંટ ચલાવી હતી. યુવકે બાઇક સવારનો દોડીને પીછો કરતા  એચપી પેટ્રોલ નજીક હકુ વણઝારા ( રહે- લક્ષ્મીનગર, સરદાર એસ્ટેટ પાછળ) નામના વ્યક્તિના 11 હજારની કિંમતના મોબાઇલની પણ ઉપરોક્ત બાઇક સવારોએ લૂંટ ચલાવી હોવાનું બહાર આવ્યું હતું. આ ઉપરાંત ભરૂચની રહેવાસી આસિફા સૈયદ એમ.એસ. યુનિવર્સિટીમાં શિક્ષિકા તરીકે ફરજ બજાવે છે. ગઈકાલે રેલવે સ્ટેશનથી એસટી ડેપો તરફ પગપાળા જતી હતી તે સમયે પ્રતાપગંજ પોસ્ટ ઓફિસ પાસે મોબાઈલ ફોન ઉપર વાતચીત ચાલુ હતી તે વખતે અજાણ્યા બાઇક સવાર બે શખ્સો હાથમાંથી 13 હજારની કિંમતના મોબાઈલ ફોનની લૂંટ ચલાવી નાસી છૂટયા હતા.

[ad_2]

Source link