આંગણવાડીમાં બાળકોને યોજનો લાભ મળે છે એમ બતાવવા કોઈ એ ખોટું રજિસ્ટર બનાવ્યું તો કોઈ આરોગ્ય સંજીવની નું દૂધ પણ ન છોડ્યું

હાજુ પણ કપરાડા અને ધરમપુરના ઊંડાણના ગામોમાં આકસ્મિક તપાસ ની જરૂર 

જિલ્લા વિકાસ અધિકારીના નિર્દેશ અનુસાર કોલ સેન્ટર શરૂ કરી તપાસ કરતા ધરમપુરના કાકડ કૂવામાં આંગણવાડી લાભાર્થીના નામનું આખેઆખુ રજિસ્ટર ખોટું બનાવી કાઢ્યું હતું તપાસ અધિકારી સ્થળ ઉપર પહોંચતા લભાર્થીએ કહ્યું કોઈ લાભ મળ્યો જ નથી તો વલસાડના વાંકલ સેજા માં આવતી ચીંચાઈ 2 માં  દૂધ સંજીવની યોજનાનું દૂધ નો લાભ કોઈ અન્ય સ્થળે જ મળતો હોવાનું બહાર આવતા વલસાડ અને ધરમપુર જિલ્લામાં આંગણવાડીમાં ફરજ પ્રત્યે બેદરકારી બદલ 24,475 નો દંડ કરાયો

વલસાડ જિલ્લામાં આઈ સી ડી એસ વિભાગમાં લાગુ કરવામાં આવેલી યોજનાનો લાભ લાભાર્થી સુધી પહોંચે છે કે નહીં તે માટે એક કોલ સેન્ટર શરૂ કરવામાં આવ્યું છે જેના દ્વારા દરેક આંગણવાડી કાર્યકર ને અને લાભાર્થીઓને ટેલિફોનિક પૂછપરછ કરતા જ નાના ભૂલકા માટે સરકાર દ્વારા અમલમાં મુકવામાં આવેલી યોજનાનો લાભ તેઓ સુધી પહોંચતો નથી તો દૂધ સંજીવની યોજના જે નાના બાળકોને સ્વાસ્થ્ય માટે સમતોલ આહાર છે તેવા દુધના પાઉચ પણ બાળકો સુધી પહોંચતા નથી તે તપાસ માં બહાર આવ્યું છે 

વલસાડ તાલુકાની ઘટક 3 માં આવતા વાંકલ સેજાની ચીંચાઈ 2 આંગણવાડીમાં દૂધ સંજીવની યોજનાનું દૂધ જ ગાયબ થઈ જતું હતું જેનો લાભ કોણ લેતું હતું એ તો તપાસ નો વિષય છે જોકે સમગ્ર બાબતે ઉચ્ચ અધિકારીને જાણકારી મળતા ફરજ પ્રત્યે બેદરકારી બદલ આંગણવાડી કર્મચારી પાસે રૂપિયા 1762 ની વસુલાત કરાઈ છે જ્યારે ધરમપુર ઘટક 2 કાકડ કુવા સેજા ની  બારોલિયા મધળદેવી ફળીયા માં યોજનકીય લાભ મળ્યો હોવાનું રજિસ્ટર જ આંખે આખું નામ લખી બનાવી દેવાયું પણ જ્યારે અધિકારીઓ રજિસ્ટર ના નામ આધારે લાભાર્થી ના ઘરે જઈ તપાસ કરતા તેઓને સમગ્ર બાબતની ખબર નથી અને યોજનનો લાભ મળતો ન હોવાનું જણાવ્યું હતું જે અંગે આંગણવાડીના કર્મચારીને નોટિસ આપી ને રૂપિયા 11,725 ની રકમ દંડ કરવામાં આવ્યો છે જ્યારે ધરમપુર માં જ ઘટક 3 માં પિંડવળ સેજા ની  પંગાર બારી 1 આંગણવાડી પણ ફરજ પ્રત્યે બેદરકારી બદલ 10,988 રૂપિયા નો દંડ ભરાવવા માં આવ્યો છે આમ કુલ 24,475 જેટલો દંડ વસૂલી સરકાર માં જમા કરવામાં આવ્યો છે 

આમ આઈ સી ડી એસ વિભાગમાં બાળકોના માટે આવતી યોજનો લાભ બાળકોને નહીં પણ કેટલાક આંગણવાડી કર્મચારીઓ જ પોતે આરોગી જતા હોવાનું ખુદ આઈ સી ડી એસ વિભાગની તપાસ માં બહાર આવ્યું છે જોકે ડી ડી ઓ દ્વારા શરૂ કરવામાં આવેલ પારદર્શી કામગીરી નો વહીવટ ખૂબ ઉમદા છે પરંતુ કપરાડા અને ધરમપુર ના ઊંડાણ ના ગામોમાં પણ હજુ આકસ્મિક ચેકીંગ કરવામાં આવે તો હજુ પણ વધુ કૌભાંડ બહાર આવી શકે એમ છે