વાપી CETP નજીક નેશનલ હાઇવે નંબર 48 પર ઉમરગામની ડોમ્સ કંપનીમાંથી સ્ટેશનરી ભરીને વાપીમાં આવતા ટ્રકના ચાલકે પાછળ આવતા બસ ચાલકે આગળ જવા ટ્રક ને રોડના કિનારા તરફ લઈ જતા ટ્રક પલ્ટી મારી ગયો હતો. જો કે અકસ્માતમાં ટ્રક ચાલકનો આબાદ બચાવ થયો હતો.
આ અંગે મળતી વિગત મુજબ ઉમરગામમાં આવેલ ડોમ્સ કંપનીમાંથી ટ્રકમાં સ્ટેશનરી ભરીને વાપી ખાતે ટ્રાન્સપોર્ટમાં ખાલી કરવા ટ્રક ચાલક નીકળ્યો હતો. જે ટ્રક દમણગંગા નદી પરનો પૂલ વટાવી વાપી CETP ની સામે પહોંચ્યો ત્યારે પાછળ આવતો બસ ચાલક ઓવરટેક કરવા માંગતો હોય ટ્રક ચાલકે તેને પાસ થવા માટે ટ્રકને રોડની કિનારે લઈ હંકારવા જતા ટ્રક પલ્ટી મારી ગયો હતો.
જો કે ટ્રક ના ચાલક નો આબાદ બચાવ થયો હોય બહાર નીકળી અકસ્માત અંગે કંપનીમાં જાણ કરતા કંપનીના મેનેજરે તાત્કાલિક ક્રેન મોકલવા સાથે ટ્રક માં રહેલ સ્ટેશનરી બહાર કાઢી બીજા ટ્રક માં લોડિંગ કરવા કર્મચારીઓને ટ્રક સાથે મોકલી તમામ સ્ટેશનરી બીજા ટ્રક માં ટ્રાન્સફર કરી ક્રેન ની મદદથી પલ્ટી મારી ગયેલ ટ્રક ને રોડ કિનારેની સ્ટોર્મ વોટર લાઈનમાંથી બહાર કાઢ્યો હતો. ટ્રક પલ્ટી મારી અને તેને સીધો કરી રોડની કિનારે કરવાના સમયે હાઇવે પર ટ્રાફિક જામના દ્રશ્યો સર્જાયા હતા
