વાપી સીએનજી પંપ ઉપર સાંજે મોટી હોનારત થતા થતા અટકી ગઈ ઇક્કો કાર ગેસ ભરાવવા આવી હતી તે દરમ્યાન ઇક્કો કાર ની ટેન્ક માં બ્લાસ્ટ થતા ઇક્કો કાર ને નુકશાન થયું હતું જોકે કારમાં સવાર લોકો ગેસ ભરવા સમયે બહાર નીકળી ગયા હોય કોઈ જાનહાની બની નહિ

મંગળવારના રોજ સાંજે 7 વાગ્યા ની આસપાસ માં સંતોષ જાદવ નામનો વ્યક્તિ પોતાની ઇકો કાર નંબર જી જે 15 સી એ 9437 લઈને સી એન જી પંપ ઉપર ગેસ ભરાવવા માટે લાઈન માં કાર મૂકી ઉતરી ગયા હતા ત્યારે 200 જેટલા પ્રેશર સાથે ગેસ ભરવામાં આવી રહ્યો હતો તે દરમ્યાન સી એન જી ટેન્કની નોઝલ બ્લાસ્ટ થતા કારમાં ટાંકી ઉછડી ને આગળના ભાગે આવી જતા કારનો આગળનો કાંચ તૂટી ગયો હતો અને કારને ભારે નુકશાન થયું હતું

અચાનક પ્રચંડ ધડાકાનો અવાજ થતા પંપ ઉપર ઉભેલા લોકો દોડી આવ્યા હતા અને એકત્ર થઈ ગયા હતા જોકે ઘટના માં કોઈ જાનહાની બની નહિ પરંતુ કાર ને નુકશાન પહોંચ્યું છે ત્યારે સી એન જી સંચાલકો અને કાર ચાલકો માટે એક લાલ બત્તી સમાન કિસ્સો બનવા પામ્યો છે





