ટીકીટ મેળવવા થશે હાઈ વોલ્ટેજ ડ્રામાં
વલસાડ જિલ્લામાં ભાજપમાં 5 વિધાન સભા બેઠક ઉપર કોને ટીકીટ મળશે તે અંગે અનેક અટકળો ઉભી છે સામે 28 તારીખે ઉમેદવારોના સેન્સ લેવાની પ્રક્રિયા હાથ ધરાશે જોકે હાલમાં જે ધારાસભ્ય છે તે ફરી રિપીટ થશે કે કેમ ? તે બાબતે તમામ ને માથે લટકતી તલવાર જ બની રહી છે સૌથી વધુ અટકળો તો ધરમપુર અને કપરાડા વિસ્તારના ધારાસભ્ય માટે છે ..
ધરમપુર માં રિવર લિંક પ્રોજેકટ ના નામે આદિવાસી સમાજનો જે વિરોધ વંટોળ ઉઠ્યો હતો અને જે રેલીઓ નીકળી હતી તે અંગે લોકો વચ્ચે જઈ ને રિવર લિંક યોજના અંગે સાચી હકીકત અને ખુલાસો આપવામાં ધારાસભ્ય અરવિંદ પટેલ તે જ સમયે નિષ્ફળ નીવડ્યા એ અંગે ની નોંધ છેક કેન્દ્રમાં મોવડી મંડળે લીધી છે એટલું જ નહીં રિવર લિંક માટે રદ કરવાની જાહેરાત કરવા મુખ્ય પ્રધાને છેક સુરત સુધી આવી ને પ્રેસ કોંફરન્સ કરી જાહેરાત કરવાની ફરજ પડી છે ત્યારે બીજી તરફ આમ આદમી પાર્ટીમાં હાલ માં જ આંબા ગામ થી જોડાઈ ગયેલા રાહુલ ભાઈ ઈજનેર પણ ભાજપના વોટ બેંક તોડશે જેને લઈ ને પણ હાલ ચિંતા છે લોકોને માત્ર વિકાસ નહિ પણ દુઃખ સુખમાં અને પ્રાથમિક સુવિધામ પડખે ઉભા રહી એવા ધારાસભ્ય ની જરૂર હોવાનું મતદારો જણાવી રહ્યા છે
તો કપરાડા વિધાન સભામાં ભલે સરકારે નલ સે જળ યોજના અંગે 100 ટકા કમગીરી પૂર્ણ થયાનો દાવો કર્યો હોય પણ કપરડા માં પાણી ની લાઈનો અને નળ નાખવાની કામગીરી સ્થળ ઉપર અને ગામોમાં માત્ર ચોપડે બોલે છે જે આધિકારી નહિ પણ પાણી પુરવઠા મંત્રી પણ જાણે છે ..તો ગત વર્ષે કોંગ્રેસ માંથી ભાજપમાં આવેલ જીતુભાઇ ચૌધરી સામે આ વખતે ઉમેદવારી ની સ્પર્ધામાં ભાજપ માંથી જ કેટલાક નામો છે જેમાં ગુલાબ રાઉત, એ પી એમ સી ચેરમેન મુકેશ પટેલ, તેમજ રમેશ ગાંવીત ,માધુભાઈ રાઉત જેવા દિગગજ નેતાઓ છે જેને ભાજપે ગઇ ટર્મ માં ટીકીટ કાપી હતી એવા નેતા ઓ આ વખતે ટીકીટ ની આશા રાખે એ સ્વાભાવિક છે વળી ભાજપ સંગઠન માટે વર્ષો થી લોહી રેડી સંગઠન ઉભું કરનારા ટીકીટ ની આશા રાખે એ પણ સ્વાભાવિક છે ત્યારે આ વખતે ધરમપુર કપરાડા બેઠક ઉપર વર્તમાન ધારાસભ્ય રિપીટ કરશે કે કેમ એ એક વિકટ પ્રશ્ન છે …
