[ad_1]
– ડીઝલ ચોરી કરીને કારમાં ભાગી છૂટેલા પૂર્વ ટ્રક ડ્રાઈવર સહિત ત્રણ શખ્સોની પોલીસ દ્વારા શોધખોળ
જામનગર, તા. 28
જામનગર નજીક ખીમરાણા પાસે એક હોટલના પાર્કિંગમાં પાર્ક કરવામાં આવેલા જુદાજુદા બે ટ્રકમાંથી ડિઝલની ચોરી કરવાનું કૌભાંડ સામે આવ્યું છે. જે મામલે ટ્રાન્સપોર્ટ કંપનીના પૂર્વ ડ્રાઈવર જામનગરના એક કાર ચાલક અને તેના બે સાગરિતો સામે ડીઝલ ચોરી અંગેની ફરિયાદ નોંધાવાઇ છે.પોલીસે તેઓની શોધખોળ હાથ ધરી છે.
આ બનાવની વિગત એવી છે કે જામનગર-રાજકોટ ધોરીમાર્ગ પર ખીમરાણા ગામના પાટિયા પાસે આવેલી એક હોટલના પાર્કિંગમાં પાર્ક કરવામાં આવેલા જી.જે. 1૦ ટી.વી.9821 નંબરના ટ્રક માંથી રૂપિયા 1૦,69૦ ની કિંમતના 12૦ લિટર ડિઝલની ચોરી કરાઇ હતી. ઉપરાંત બાજુમાં જ પાર્ક કરેલા જી.જે.1૦ ટી.એક્સ.3116 નંબર ના ટ્રક માંથી પણ રૂપિયા 14,26૦ ની કિંમતના 16૦ લીટર ડિઝલની ચોરી કરવામાં આવી હતી.
જે ચોરીના બનાવ અંગે જામનગરની રીયલ ટ્રાન્સપોર્ટ કંપનીના મેનેજર રાજેન્દ્રસિંહ દિપુભા જાડેજાએ પંચકોશી એ ડિવિઝન પોલીસ મથકમાં ફરિયાદ નોંધાવી હતી. જેમાં સીસીટીવી કેમેરાના આધારે પોતાની જ ટ્રાન્સપોર્ટ કંપની માં ટ્રક ડ્રાઇવર તરીકે ફરજ બજાવી ચૂકેલા જામનગરના માટેલ ચોકમાં રહેતા દિગ્વિજયસિંહ સિધ્ધરાજસિંહ ચુડાસમા અને તેના બે સાગરિતો સામે ફરિયાદ નોંધાવી હતી.
જેઓ જી.જે.-3 ઇ.સી.૦૦69 નંબરની કારમાં આવીને ડીઝલ ચોરી કરી ગયા હોવાનું સીસીટીવી કેમેરાના માધ્યમથી ધ્યાનમાં આવ્યું હતું, જેથી પોલીસ દ્વારા ત્રણેયની શોધખોળ હાથ ધરવામાં આવી રહી છે.
[ad_2]
Source link
