ધરમપુર તાલુકાના
૧૦૦ કરતાં વધારે યુવાનોને
જીઆરડીમાં નોકરી અપાવવાની
લાલચ આપી વાંસદના એક યુવક દીઠ ૮૨૬૦ કે તેથી વધુ રૂપિયા પડાવી લીધા
હોવાની ધરમપુર પોલીસ મથકે
ફરિયાદ થતા એક તબક્કે પોલીસ
મથકે પણ આશ્ચર્ય સર્જાયું હતુ
નોકરીની લાલચમાં રૂપિયા ગુમાવી
રહેલ જાદવ અજય રમેશ સહિત કુલ
સાત જેટલા યુવાનો એ ધરમપુર
પોલીસ મથકે ફરિયાદ કરી છે.
પોલીસ મથકે આપેલ ફરિયાદ
માં જણાવ્યા પ્રમાણે વાસદા તાલુકાના
કંસારીયા ગામે રહેતા ઉમેશભાઈ
રામાભાઇ કુકુટીયા જીઆરડીમાં
નોકરી લગાડી આપવાનો કામ કરતા
હોવાનો ધરમપુર તાલુકાના
જામલીયા ગામના જાદવ અજય
રમેશભાઇને જાણ થઈ હતી નોકરીની
શોધખોળ કરી રહેલ જાદવ રમેશ
અને તેના ત્રણ ચાર મિત્રો ઉમેશ
કુકુટીયા સાથે ટેલીફોનિક વાતચીત
કરી જીઆરડીમાં નોકરી મેળવવા માટે
નક્કી કરી લીધું હતું અને નોકરી
મેળવવાના આવેજ પેટે ઉમેશ
કકુટીયાને એક યુવાન દીઠ ૮૨૬૦
રૂપિયા કે તેથી વધુ ઓનલાઇન
ટ્રાન્સફર કર્યા હતા જે બાદ વિસ્તારના
અન્ય છોકરાઓ પણ નોકરીની
લાલચમાં ઉમેશ ઉમેશ ને રોકડ
અથવા ઓનલાઇન રૂપિયા ટ્રાન્સફર
કર્યા હતા પરંતુ રૂપિયા લીધાને બે
વર્ષ બાદ પણ યુવાનોને ઉમેશ
કુરકુટિયાએ નોકરી નહીં લગાડતા
યુવાનોનો વિશ્વાસ ડગી ગયો હતો
નોકરી નહી અપાવી શકનાર ઉમેશ
પાસે યુવાનોએ રૂપિયા પરત
માગવાનું શરૂ કર્યું હતું પરંતુ ઉમેશ
કુરકુટિયા તેમને રૂપિયા આપવા
બાબતે માત્ર આશ્વાસન આપતો હતો
પરંતુ રૂપિયા પરત આપતો ન હતો
આખરે ત્રાસી જઈ યુવાનોએ
ધરમપુર પોલીસ મથકે ફરિયાદ કરી
ન્યાયની ગુહાર લગાવી છે છેતરાઈ
ગયેલ યુવાનોની ફરિયાદ લઈ
પીએસઆઇ આરકે પ્રજાપતિ એ
તપાસ હાથ ધરી છે.
