રાત્રી દરમ્યાન એકલ દોકલ જવાનું લોકો ટાળી રહ્યા છે,જંગલ વિભાગને જાણ કરવામાં આવતા હાલ પકડવા માટે પીંજરું ગોઠવાયું પરંતુ એ પણ હાલ તો શોભના ગાંઠિયા સમાન પુરવાર થઇ રહ્યું છે.
વાપી તાલુકાના પંડોર ગામે છેલ્લા 7 દિવસ થી કૉઢાર ફળીયા વિસ્તારમાં દીપડો દેખાઈ રહ્યો છે જેને લઈ આસપાસના રહેતા લોકો માં ભય નો માહોલ જોવા મળ્યો છે.સ્થાનિક લોકોના જણાવ્યા અનુસાર છેલ્લા 5 દિવસ ઉપરાંત થી સતત માર્ગ માંથી આવતા જતા લોકોને સમાંતર સામ સામે દીપડાના દર્શન થઈ રહ્યા છે. જેને લઈ ને લોકો ભયભીત બન્યા છે .હરિજનવાસ તરફ હળપતિ વાસ અને કૉઢાર ફળીયા તરફ રાત્રી દરમ્યાન નોકરી એ થી પરત ફરતા લોકો માટે દીપડો જોખમી બની શકે છે ત્યારે લોકોની માંગ છે કે ખુલ્લામાં ફરી રહેલા આ હિંસક પ્રાણી ને જલ્દી થી જલ્દી પાંજરે પૂરવામાં આવે એવી માંગ ઉઠી રહી છે.
જોકે આ સમગ્ર બાબતે સ્થાનિકો દ્વારા જંગલ વિભાગને જાણકારી આપતા હાલ પીંજરું ગોઠવાયું છે પરંતુ તે મુકાયા ના પણ કેટલા દિવસ વીતી ગયા છતાં હજુ સુધી દીપડો પાંજરે પુરાયો નથી જેને લઈ ને રોજિંદા રાત્રી દરમ્યાન આવતા જતા લોકોને ભય સતાવી રહ્યો છે થોડા દિવસ પહેલા જ એક ઘર માંથી બકરી નું મારણ પણ કર્યું હતું
