[ad_1]
અમદાવાદ : સેટેલાઈટ શિવરંજની પાસે આવેલા તનિષ્ક જ્વેલના શો-રૂમમાંથી રૂ.3 લાખની સોનાની બંગડીઓ ચોરી ત્રણ મહિલા સોમવારે બપોરે ફરાર થઈ ગઈ હતી. સેટેલાઈટ પોલીસે ગુનો નોંધી સીસીટીવીમાં આ મહિલાઓના ફૂટેજ મેળવી તેઓને ઝડપી લેવા તજવીજ હાથ ધરી છે.
ઈસનપુર ગોવિંદવાડીમાં પીજી એવન્યુમાં રહેતી બીજલ અશોક શાહ સેટેલાઇટ શિવરંજની પાસે ઇસ્કોન સેન્ટરમાં આવેલા તનિષ્ક જ્વેલ શો રૂમમાં એકાઉન્ટન્ટ તરીકે ફરજ બજાવે છે.
સોમવારે રાત્રે દુકાનનો સ્ટોક કાઉન્ટ કરતા ઘટ આવી હતી. જેના પગલે શો રૂમના સીસીટીવી ફૂટેજ બિનલબહેને ચેક કરાવ્યા હતા. દરમિયાનમાં બપોરે ત્રણ વાગ્યે શો રૂમમાં આવેલી ત્રણ મહિલાઓ પહેલા માળે બેંગલ વિભાગમાં ગઈ હતી.
આ મહિલાઓ પ્રકાશ કોટડીયાના કાઉન્ટર પર આવીને ખુરશી પર બેસી 15 મિનિટ સુધી દાગીના ખરીદવા બાબતે વાત કરી દાગીના જોવા માંગ્યા હતા. આ ગાળામાં ત્રણ પૈકી જાકીટ પહેરેલી મહિલા પ્રકાશભાઈની નજર ચૂકવી સોનાની બે બંગડી 53.013 ગ્રામ વજનની રૂ.3,04,550ની મત્તાની પોતાના જેકેટમાં છુપાવતી દેખાઈ હતી. બદમ આ ત્રણે મહિલા શોરૂમમાંથી બહાર નીકળી જાય છે. બનાવ અંગે બીજલબહેને ફરિયાદ કરતા સેટેલાઈટ પોલીસે ગુનો નોંધી તપાસ હાથ ધરી હતી.
પોલીસે અન્ય પોલીસ સ્ટેશનમાં અગાઉ આ પ્રકારની ચોરીના ગુનામાં પકડાયેલી મહિલાઓની વિગત મંગાવી છે.
તનિષ્ક શો રૂમ ચોરી#Tanishq #Showroom #theft pic.twitter.com/4JmyrbnIhf
— Gujarat Samachar (@gujratsamachar) March 22, 2022
[ad_2]
Source link
