રાંદેરમાં જાહેરમાં લઘુશંકા મુદ્દે ઠપકો આપતા થયેલા ઝઘડામાં યુવાનને કુકરી ઘા ઝીંકયા

[ad_1]

– વહેલી સવારે રીક્ષા ચાલક બે મિત્રો સાથે લઘુશંકા કરવા ઉભો રહ્યો, અજાણ્યાએ ઠપકો આપતા ઝઘડો થયો

(પ્રતિનિધિ દ્વારા) સુરત, રવિવાર

રાંદેર ગોરાટ રોડના અજમેરી ચાર રસ્તા પાસે વહેલી સવારે જાહેરમાં લઘુશંકા કરનાર ત્રણ મિત્રોને ઠપકો આપતા થયેલા ઝઘડામાં કુકરીના ચારથી પાંચ ઘા ઝીંકી ગંભીર ઇજા પહોંચાડતા રાંદેર પોલીસે હત્યાના પ્રયાસનો ગુનો નોંધી કાયદેસરની કાર્યવાહી હાથ ધરી છે.

રાંદેર રોડ તાડવાડી સ્થિત નુરે ઇલાહી ટેનામેન્ટમાં રહેતો રીક્ષા ચાલક ઇરફાન ઉર્ફે કાલીયા રમઝાન શેખ (ઉ.વ. 24) તેના મિત્ર ઝાફર શેખ અને રમઝાન ઉર્ફે પાડા સાથે વહેલી સવારે ચાર વાગ્યાના અરસામાં રાંદેરથી શીતલ ચાર રસ્તા તરફ જઇ રહ્યા હતા. રસ્તામાં અજમેરી ચાર રસ્તા પાસે જાહેરમાં ત્રણેય મિત્રો લઘુશંકા કરવા ઉભા રહેતા અજાણ્યા યુવાને ઠપકો આપતા ગાળ આપી હતી. જેથી તેઓ વચ્ચે ઝઘડો થતા અજાણ્યાએ ફોન કરી તેના મિત્ર ઇસ્માઇલ પેન્ટર, માહિરને બોલાવ્યા હતા. આ ત્રણેયે ઇરફાન અને તેના મિત્રોને માર મારતા રમઝાન ઉર્ફે પાડા ત્યાંથી ભાગી ગયો હતો. જયારે ઇસ્માઇલ પેન્ટરે ઝાફર શેખને કુકરીના ઉપરાછાપરી ચારથી પાંચ ઘા જાંઘ, ગળા અને કમરના ભાગે ઝીંકી દીધા હતા. જેથી લોહીલુહાણ હાલતમાં ઝાફર ત્યાં જ બેભાન થઇ જતા અજાણ્યો યુવાન અને ઇસ્માઇલ પેન્ટર સહિત ચારેય જણા ભાગી ગયા હતા. ઘટના અંગે રાંદેર પોલીસે હત્યાના પ્રયાસનો ગુનો નોંધી હુમલો કરનારની શોધખોળ હાથ ધરી છે.

[ad_2]

Source link