[ad_1]
– બે કિલોમીટરના એરીયામાં ચોર ત્રાટકયા, રાત્રી કરફ્યૂમાં ચોરીના પ્રયાસને પગલે પોલીસ દોડતી થઇ
(પ્રતિનિધિ દ્વારા) સુરત, રવિવાર
શહેરમાં સક્રિય થયેલી ચોર ટોળકીએ પાંડેસરાના ઐયપ્પા કોમ્પ્લેક્ષમાં આવેલા આઇસીઆઇસીઆઇ બેંક અને પિયુષ પોઇન્ટ નજીક એક્સીસ બેંકના એટીએમને તોડી ચોરી કરવાનો પ્રયાસ કરતા પાંડેસરા પોલીસ દોડતી થઇ ગઇ છે.
શહેરમાં સક્રિય થયેલી ચોર ટોળકીએ પાંડેસરા વિસ્તારના જ્વેલર્સ અને કરિયાણાના હોલસેલની દુકાનને નિશાન બનાવ્યા બાદ ગત રાત્રે બેંકના એટીએમ સેન્ટરમાં ચોરીનો પ્રયાસ કર્યો હતો. પાંડેસરા મેઇન રોડ બાટલી બોય કંપનીની સામે ઐયપ્પા કોમ્પ્લેક્ષમાં આવેલા રાત્રે 3.21 કલાકે આઇસીઆઇસીઆઇ બેંકના એટીએમનું એસ.એન.જી લોક તોડી ચોરી કરવાનો પ્રયાસ કર્યો હતો. પરંતુ લોક તોડવામાં સફળતા નહીં મળતા 4.30 કલાકે પાંડેસરાના પિયુષ પોઇન્ટ ચાર રસ્તા સ્થિત એક્સીસ બેંકના એટીએમને નિશાન બનાવ્યું હતું. એટીએમમાં પ્રવેશ્તાની સાથે સીસીટીવી કેમેરા તોડી મશીનને નુકશાન પહોંચાડયું હતું. પરંતુ ચોરને સફળતા મળી ન હતી. ઘટના અંગે એટીએમ મેઇન્ટેન્સ કોન્ટ્રાક્ટના કર્મચારી જયેશ રણછોડ ચૌધરી (રહે. વિષ્ણુપાર્ક, ભૈયાનગરની બાજુમાં, પુણા) એ પાંડેસરા પોલીસમાં આઇસીઆઇસીઆઇ બેંકના એટીએમમાં તોડફોડથી 10 હજાર અને એક્સીસ બેંકના એટીએમમાં તોડફોડથી 2 હજારના નુકશાન અને ચોરીના પ્રયાસની ફરીયાદ નોંધાવી હતી.
[ad_2]
Source link
