[ad_1]
– કોસાડ ગામના મેદાનમાં ડી . જે ના તાલે વિદ્યાર્થીઓ અને પબ્લીકના લોકે નાચતા હતા ત્યારે ઝઘડો થયો હતો
સુરત
અમરોલીની જે.ઝેડ . શાહ કોલેજ દ્વારા કોસાડ વેળીનાથ ગરનાળાની બાજુમાં આયોજીત સ્પોર્ટસ ડે અંતર્ગત ડી.જે ના તાલે નાચગાન કરતી વેળા થયેલા ઝઘડાની અદાવતમાં વિદ્યાર્થીને તમે ભરવાડોને બહુ હવા છે, મેદાનમાં ઝઘડો કેમ કર્યો એમ કહી પાઇપ વડે માર મારતા મામલો અમરોલી પોલીસમાં પહોંચ્યો છે.
અમરોલીની જે.ઝેડ . શાહ કોલેજ દ્વારા ગત રોજ કોસાડ ગામ વેળીનાથ ગરનાળાની બાજુના મેદાનમાં સ્પોર્ટસ ડે નું આયોજન કર્યુ હતું. સ્પોર્ટસ ડે ની પૂર્ણાહતી અંતર્ગત વિદ્યાર્થીઓ અને સ્પોર્ટસ ડે જોવા આવનાર લોકો ડી.જે ના તાલે નાચગાન કરી રહ્યા હતા. નાચગાન કરતી વેળા વિદ્યાર્થીઓ અને લોકો વચ્ચે ઝઘડો થતા ડી. જે બંધ કરી દેવામાં આવ્યું હતું . જેથી કોલેજમાં બી.એ ના સેકન્ડ યરમાં અભ્યાસ કરતો વિજય ધુડાભાઇ મેર ( ઉ.વ. 20 રહે . કોસાડ આવાસ, અમરોલી ) મિત્ર ઉજ્જવલ વાળા સાથે બાઇક પર ઘરે જતી વેળા કોસાડ લેક ગાર્ડન નજીક પાણી પીવા ઉભા રહ્યા હતા.
ત્યારે શેફખાન ( રહે. મસ્જીદ મહોલ્લો, અમરોલી ગામ ) અને તેનો મિત્ર વિપુલ વણઝારાએ વિજયને ઉદ્દેશીને કહ્યું હતું કે તમને ભરવાડોને બહુ હવા છે, તમે લોકોએ મેદાનમાં ઝઘડો કેમ કર્યો એમ કહી ગાળો આપી વિજયને લોખંડના પાઇપ વડે ફટોક મારી દેતા ગળા, હાથની કોણી અને ઉજ્જવલને હાથમાં ઇજા પહોંચાડી ભાગી ગયા હતા. ઘટના અંગે વિજયે અમરોલી પોલીસમાં શેફખાન અને વિપુલ વિરૂધ્ધ ફરીયાદ નોંધાવી હતી.
[ad_2]
Source link
