સાંસદ ધવલભાઈ પટેલની રજૂઆતો રંગ લાવી, ધવલભાઈજે બોલે છે એ કરી ને બતાવે છે.
વલસાડ અને ડાંગ વિસ્તારના સર્વાંગી વિકાસ માટે કટિબદ્ધ સાંસદ શ્રી ધવલભાઈ પટેલના સતત પ્રયાસોને મોટી સફળતા મળી છે. દક્ષિણ ગુજરાતની પરિવહન વ્યવસ્થામાં ક્રાંતિકારી ફેરફાર લાવતા નેશનલ હાઈવે-56 (NH-56) ના ખાનપુરથી કરવડ સેક્શનના અપગ્રેડેશન માટે કેન્દ્ર સરકાર દ્વારા ₹647.20 કરોડની માતબર રકમ મંજૂર કરવામાં આવી છે.
પ્રોજેક્ટની મુખ્ય વિશેષતાઓ અને આધુનિક ઈન્ફ્રાસ્ટ્રક્ચર
આ પ્રોજેક્ટ માત્ર રસ્તો જ નહીં, પણ દક્ષિણ ગુજરાતની આર્થિક ભાગ્યરેખા સાબિત થશે. તેની મુખ્ય વિગતો નીચે મુજબ છે:
કુલ લંબાઈ: આ પ્રોજેક્ટ અંતર્ગત કુલ 45 કિમી લાંબા પટ્ટાનું નવીનીકરણ થશે.
વસ્તી ધરાવતા વિસ્તારોમાં ટ્રાફિકની સમસ્યા નિવારવા 21.25 કિમીના ભાગને કોન્ક્રીટ નો કરાશે.
રિજિડ પેવમેન્ટ (કોંક્રિટ રોડ): વલસાડ જિલ્લામાં પડતા ભારે વરસાદને ધ્યાનમાં રાખીને, રસ્તાની ટકાઉપણું જાળવવા માટે આખો રોડ કોંક્રિટ (Rigid Pavement) થી બનાવવામાં આવશે.
નવા બ્રિજ: જુના જર્જરિત બ્રિજો ને તોડી કનેક્ટિવિટી સુધારવા માટે નવા પ્રોજેક્ટમાં 5 મોટા પુલ (Major Bridges) ના નિર્માણનો સમાવેશ થાય છે.
સાંસદ શ્રી ધવલભાઈ પટેલની સક્રિયતા
આ મંજૂરી પાછળ સાંસદ શ્રી ધવલભાઈ પટેલની દીર્ઘદ્રષ્ટિ અને મહેનત રહેલી છે. તેમણે કેન્દ્રીય માર્ગ પરિવહન મંત્રી શ્રી નીતિન ગડકરીજી સાથે અનેકવાર રૂબરૂ મુલાકાતો કરી અને લેખિત રજૂઆતો કરી હતી. એટલું જ નહીં, તેમણે મંત્રીશ્રીને આ સ્થળનું નિરીક્ષણ કરાવીને સ્થાનિકોની હાલાકી અને પ્રોજેક્ટની જરૂરિયાત સમજાવી હતી, જેના ફળસ્વરૂપે આજે આ કરોડોના ખર્ચે બનનારા પ્રોજેક્ટને લીલી ઝંડી મળી છે.
વિકાસના નવા દ્વાર ખુલશે
રોડ સેફ્ટી: આધુનિક ઈન્ટરસેક્શન અને સુરક્ષા સુવિધાઓને કારણે અકસ્માતોના પ્રમાણમાં મોટો ઘટાડો થશે.
આર્થિક વેગ: ઝડપી વાહનવ્યવહારથી સ્થાનિક વેપાર, ઉદ્યોગો અને રોજગારીની નવી તકો ઉભી થશે.
સમયની બચત: દક્ષિણ ગુજરાતના અંતરિયાળ વિસ્તારો અને શહેરો વચ્ચેનું અંતર ઘટશે અને મુસાફરી સુખદ બનશે.
”વલસાડ-ડાંગની જનતાની સુખાકારી અને આધુનિક કનેક્ટિવિટી એ મારી પ્રાથમિકતા છે. NH-56 ના આ પ્રોજેક્ટથી વિસ્તારના સામાજિક અને આર્થિક વિકાસને નવી ગતિ મળશે.” – શ્રી ધવલભાઈ પટેલ (સાંસદ, વલસાડ-ડાંગ)
