[ad_1]
– તા. 27 થી 1 માર્ચ સુધી પ્લસ પોલિયો રાઉન્ડ ચાલશે
વડોદરા, તા. 26
આગામી રવિવારથી વડોદરા જિલ્લાના ગ્રામ વિસ્તારમાં પોલિયો રસી પીવડાવવાના અભિયાનનું જિલ્લા આરોગ્ય તંત્રે આયોજન કર્યું છે. નવજાત શિશુથી 5 વર્ષ સુધીની ઉંમરના 1.85 લાખથી વધુ ભૂલકાઓને બાળ લકવાને રોકતી રસીના બે ટીપાંનું પાન કરાવાશે .
મુખ્ય જિલ્લા આરોગ્ય અધિકારી એ જણાવ્યું હતું કે, વડોદરા જિલ્લામાં તારીખ 27 ફેબ્રુઆરીથી 1 માર્ચ સુધી પ્લસ પોલિયો રાઉન્ડના આયોજન માટે કલેકટર તેમજ જિલ્લા વિકાસ અધિકારી ની ઉપસ્થિતિમાં પોલીયો સ્ટીયરીગ કમિટીની મીટીંગ રાખવામાં આવી હતી.
આ મીટીંગમાં વડોદરા જિલ્લાના કુલ 8 તાલુકા અને 4 અર્બન હેલ્થ સેંટર મળીને 870 પોલિયો બુથ, 140 મોબાઇલ ટીમ, 116 ટ્રાન્ઝિટ ટીમનુ આયોજન કરી કુલ 1,85,647, ૦થી 5 વર્ષના બાળકોને પોલિયોની રસી આપવાની ચર્ચા કરવાની સાથે જિલ્લામાં કોઇ પણ બાળક રસી વગર રહી ન જાય તે જોવા માટે અનુરોધ કરાયો છે. આ મિંટીગમાં આગામી તારીખ 7ના રોજ મિશન ઇન્દ્રધનુષ યોજાનાર હોઇ તેની પણ ચર્ચા કરવામાં આવી હતી.
[ad_2]
Source link
