ચોમાસા દરમ્યાન હાઇવે હોથોરિટી ના અધિકારીઓએ વાહન ચાલકોને ફ્રી માં કમર નો દુખાવો આપ્યા બાદ હવે ચોમાસુ ગયા ને પણ 5 માસ થયા છતાં રોડ ઉપર માત્ર પંચર કરી દેવાયા તે પણ હવે ઉખડી જતા ઊંડા ખાડા પડી ગયા છે અહીં જો કોઈ વાહન ચાલક પડે તો સીધી ટીકીટ કપાઈ જાય એમ છે પણ એ.સી. અને પાંખ નીચે બેસેલા બાબુઓને પ્રજાની મુશ્કેલી દૂર કરવા રસ ન હોય એમ જણાય છે સાથે જ અનેક રાજકીય નેતાઓ આ માર્ગ થી રોજ પસાર થાય છે પણ રોડ ઉપર પડેલ ખાડા તેમને નયન પટલ ઉપર અંકિત થતા નથી
ધરમપુર આસુરા સર્કલ થી નાનાપોઢા તરફ જતા માર્ગમાં પડેલ ખાડા કોઈ વાહન ચલાકનો ભોગ લે તો નવાઈ નહિ અસુરા સર્કલ થી લઈ ને છેક નાની વહિયાલ ફાટક સુધીમાં રોડ ઉપર અનેક સ્થળે ચોમાસા પહેલા પડેલ ખાડા પુરાયા નથી જેના કારણે વાહન ચાલકોને જીવનું જોખમ ઉભું થયું છે એટલી હદે મોટા ખાડા છે કે પુરપાટ ઝડપે આવતા વાહન ચાલકો ટાયર ખાડામાં પડે તો નક્કી સ્લીપ થઈ જાય એમ છે
આ માર્ગ નો ઉપયોગ તાલુકા પંચાયત સભ્યો,પ્રમુખ ધારાસભ્ય સાંસદ અને મંત્રી પણ કરે છે પણ મોટી હાઇફાઈ ગાડીઓ ફરતા રાજકારણીઓને ખાડા નયન પટલ ઉપર અંકિત થતા નથી જેના કારણે જ સ્થાનિકોએ મુશ્કેલી ભોગવવી પડે છે રોડ ઉપર પડેલા ખાડા ઓને કારણે અનેક બાઈક ચાલકો સ્લીપ થવાના બનાવો બની ચુક્યા છે પણ સ્ટેટ હાઇવે વિભાગ માં આવતા અધિકારીની ઊંઘ જાણે ઊડતી નથી
સ્થાનિક લોકોની માંગ છે કે માર્ગ માં પડેલા આ જીવલેણ ખાડા વેળા સર પુરાવે જેથી કોઈ વાહન ચલાકનો જીવ જોખમમાં ન મુકાય ..નહિ તો માર્ગમાં પડેલા આ ખાડા નક્કી કોઈ નો ભોગ લેશે ..
