[ad_1]
– રવિવારની રજા હોવાની તકનો લાભ લઇ સોમવારે વહેલી સવારે ચોરીનો કસબ અજમાવ્યોઃ ખભા પર બેગ લટકાવી જતા સીસીટીવીમાં કેદ
સુરત,તા.23 માર્ચ 2022, બુધવાર
સચિન જીઆઇડીસીની સનબો ડાઇઝ એન્ડ કેમિકલ એલ.એલ.પી કંપનીનો પટાવાળો સોમવારે વહેલી સવારે ઓફિસના ટેબલના ડ્રોઅર તોડી તેમાંથી રોકડા રૂ. 3 લાખ ચોરીને ભાગી જતા સીસીટીવીમાં કેદ થઇ ગયો હતો. પોલીસે ચોરીનો ગુનો નોંધી પટાવાળાની શોધખોળ હાથ ધરી છે.
સચિન જીઆઇડીસીના રોડ નં. 2 પર આવેલી સનબો ડાઇઝ એન્ડ કેમિકલ એલ.એલ.પી. કંપનીના માલિક નરેશ પરમેશ્વરલાલ ખેતાન (ઉ.વ. 57 રહે. એ 502, સાંઇરૂદ્ન રેસીડન્સી, અલથાણ કેનાલ રોડ અને મૂળ. ડુંદલોદ, જિ. ઝુનઝુન, રાજસ્થાન) ગત શનિવારે સાંજે પાંચ વાગ્યે પોતાની ઓફિસમાં ટેબલના ડ્રોઅરમાં રોકડા રૂ. 3 લાખ મુકી ઘરે ગયા હતા. સોમવારે સવારે પરત કંપની પર આવ્યા ત્યારે ડ્રોઅરમાંથી રોકડ ગાયબ હતી તથા સરસામાન વેરવિખેર હતો. જેથી કંપનીના બે પટાવાળા દિલીપ ચૌબે અને રાજુ ચક્રવર્તીને બોલાવ્યા હતા. પરંતુ રાજુ ગેરહાજર હતો અને તેનો મોબાઇલ પણ બંધ હતો. જેથી નરેશે ઓપિસના સીસીટીવી ફૂટેજ ચેક કરતા તા. 21 ના રોજ વહેલી સવારે 4.22 કલાકે કંપનીના મેઇન ગેટ પર ખભા પર બેગ લટકાવીને જતા નજરે પડયો હતો. જેથી પટાવાળા રાજુ ચક્રવર્તીએ ચોરી કર્યાના આક્ષેપ સાથે સચિન જીઆઇડીસી પોલીસમાં ફરીયાદ નોંધાવી છે.
[ad_2]
Source link
