ખેપીયાથી જથ્થો પડતા ગોત્રી વિસ્તારમાં દારૂની રેલમછેલ:વિડિયો વાયરલ

[ad_1]

– વાહન ચાલકોનો પોલીસ વિડીયો વાયરલ કરે છે પરંતુ દારૂની હેરાફેરી કરતા ખેપીયાઓ સીસીટીવીમાં ઝડપાતા નથી

વડોદરા, 12 માર્ચ 2022

મોટરસાયકલ પર વિદેશી દારૂની ખેપ મારતા ખેપિયાઓ સીસીટીવી ફુટેજમાં ક્યારે પણ આવતા નથી ત્યારે ગઈકાલે મોડી સાંજે વડોદરાના ગોત્રી હોસ્પિટલ પાસેના મુખ્ય રસ્તા ઉપર ખેતીયાથી દારૂનો થેલો રસ્તા પર પડી જતા વિદેશી દારૂની બોટલો ફૂટી જતા દારૂની રેલમછેલ થઈ ગઈ હતી જેનો વિડીયો વાયરલ થયો હતો.ગુજરાતમા દારૂ બંધી છે. પરંતુ કાગળ પર હોય તેમ ચોક્કસ પણે લાગી રહ્યુ છે.

ગોત્રી હોસ્પિટલના મેઇન રોડ પર દારૂની ખેપ મારવા જતા દારુની પેટીઓ રોડ પર પડી જતા કાચની બોટલો તુંટી ગઈ હતી.

વડોદરામાં બે બુટલેગરો વચ્ચે ચાલતી હરીફાઈને કારણે અસામાજીક પ્રવૃતિ પણ વધી છે. બુટલેગર બે ફામ બની કોઈ રોકટોક વગર હેરાફેરી કરી રહ્યા છે જે પોલીસ માટે પડકારરૂપ હોવા છતાં પોલીસ મુક પ્રેક્ષક બનીને જોતી રહે છે. ગઇકાલે મોડી સાંજે દારૂનો જથ્થો મોટરસાયકલ પર લઇને જતા ખેપ મારતા ખેપિયા થી દારૂની પેટીઓ રોડ પર પડી જતા ફૂટી ગઈ હતી જેથી દારૂ રેલમછેલ થઇ ગઇ હતી. બુટલેગરોના ખેપિયાઓ દારૂની હેરાફેરી કરતા હોય છે. તેનો સીસીટીવી ફૂટેજ ક્યારે પણ પોલીસ જાહેર કરતી નથી પરંતુ વાહનચાલકો તેમના પરિવાર સાથે ત્રણ સવારી કે મોબાઇલ પર વાત કરતાં જતા હોય તો પોલીસ એનો વીડીયો વાયરલ કરે છે અને ટ્રાફિક નિયમનનો અમલ કરવા સલાહ આપે છે.

અત્રે યાદ આપવું જરૂરી છે કે વડોદરા શહેરમાં થોડાક વખત પહેલાં કેન્દ્રીય મંત્રી મુલાકાતે આવ્યા હતા ત્યારે રસ્તા પર દારૂની રેલમછેલ થઇ ગઇ હતી.

ખેપીયાથી જથ્થો પડતા ગોત્રી વિસ્તારમાં દારૂની રેલમછેલ:વિડિયો વાયરલ pic.twitter.com/Gz2m6HRte4

— Gujarat Samachar (@gujratsamachar) March 12, 2022

[ad_2]

Source link