[ad_1]
અમદાવાદ
ખાનગી મેડિકલ
કોલેજોની ફી મુદ્દે નેશનલ મેડિકલ કમિશન દ્વારા નવી ગાઈડલાઈન જાહેર કરી દેવાઈ
છે ત્યારે ૫૦ ટકા બેઠકો પર ફી ઘટાડી
સરકારી કોલેજોની ફી જેટલી કરવા મુદ્દે અને બાકીની ૫૦ ટકા બેઠકોમાં નવી ગાઈડલાઈન
મુજબ ફી નક્કી કરવા મુદ્દે સ્પષ્ટતા ન હોવાથી વિવાદ ઉભો થાય છે.કારણકે આ વર્ષે તો
ઓલ ઈન્ડિયા ક્વોટામા ડિમ્ડ યુનિ.ઓની બેઠકો અને સ્ટેટ ક્વોટામા ખાનગી મેડિકલ
કોલેજોની બેઠકોમાં મેડિકલના પ્રવેશ ફાળવી દેવાયા છે ત્યારે આગામી વર્ષે જ નવી
ગાઈડલાઈનનો અમલ થાય તેમ છે.
નેશનલ મેડિકલ
કમિશન દ્વારા ખાનગી મેડિકલ કોલેજો અને મેડિકલ ડિમ્ડ યુનિ.ઓની ફી મુદ્દે કરેલી
જાહેરાત મુજબ ખાનગી મેડિકલ કોલેજો-ડિમ્ડ યુનિ.ની ૫૦ ટકા બેઠકોની ફી સરકારી
કોલેજોની ફી જેટલી જ રાખવાનો નિર્ણય લેવાયો છે.જ્યારે બાકીની ૫૦ ટકા બેઠકોની ફી જે તે રાજ્યની ફી રેગ્યુલેશન કમિટી દ્વારા
વિવિધ પ્રકારના ખર્ચા-ચાર્જીસ-સુવિધાઓને ધ્યાને લઈને નક્કી કરવા ગાઈડલાઈન જાહેર
કરવામા આવી છે.ગુજરાતની વાત કરીએ તો તાજેતરમાં ફી રેગ્યુલેશન કમિટી દ્વારા રાજ્યની
અર્ધ સરકારી અને ખાનગી ધોરણે ચાલતી સરકારની સોસાયટી હેઠળની આઠ જીએમઈઆરએસ મેડિકલ
કોલેજોની નવી ફી જાહેર કરી દેવાઈ છે.જેમાં ૩.૩૦ લાખથી ૯ લાખ સુધીની ફી નક્કી કરાઈ
છે.જે પુરી ૧૦૦ ટકા બેઠકો માટેની છે.ૉ
આ ઉપરાંત અન્ય સંપૂર્ણ ખાનગી મેડિકલ કોલેજોની
પણ આગામી ત્રણ વર્ષ માટેની નવી ફી નક્કી કરવાની પ્રક્રિયા ચાલી રહી છે અને થોડા
સમયમા નવી ફી નક્કી જાહેર થનાર છે.આમ હવે નેશનલ મેડિકલ કમિશન દ્વારા જાહેર કરાયેલી
નવી ગાઈડલાઈન મુજબ આ વર્ષે તો ૫૦ ટકા બેઠકો પર ફી ઘટાડાનો અમલ થાય તેમ નથી.ઉપરાંત
પ્રવેશ સમિતિ દ્વારા પ્રથમ રાઉન્ડમાં ૧૦ હજારથી વધુ બેઠકો પર પ્રવેશ પણ ફાળવી
દેવાયો છે. આગામી વર્ષથી પણ અમલ થશે કે કેમ તે મોટો પ્રશ્ન છે કારણકે બાકીની ૫૦
ટકા બેઠકોની ફી ઘણી ઊંચી રહેશે અને જેને લઈને પણ વિવાદ થાય તેમ છે.હાલ તો મેડિકલ
કોલેજોમાં આ નવી ગાઈડલાઈનને લઈને ભારે તર્ક વિતર્ક સાથે ગણગણાટ શરૃ થઈ ગયો છે.
[ad_2]
Source link
