[ad_1]
રાજપીપલા તા.૨૫ દિલ્હીથી બોગસ ડિગ્રી સર્ટિફિકેટનું નેટવર્ક ચલાવતી મહિલાને નર્મદા એલસીબીએ ઝડપી પાડયા બાદ દેશની ૩૫ યુનિવસટીના ડિગ્રી સટફિકેટના મામલે વધુ તપાસ માટે નર્મદા ડીએસપીએ સીટની રચના કરી વધુ તપાસ હાથ ધરી છે.
દિલ્હીની ભેજાબાજ મહિલા બીએથી પીએચડી સુધીની નકલી માર્કશીટ, ડિગ્રી સટફિકેટ બનાવી આપતી હતી. જે લોકોને ભારતની બહાર અભ્યાસ અથવા નોકરી માટે જવું હોય તેવા લોકોની પાસેથી પૈસા લઈને નકલી સટફિકેટ અને માર્કશીટ બનાવી આપતી હતી. રૃા.૨૦ હજારથી શરૃ કરી રૃા.૨ લાખ સુધીની વસૂલાત કરીને નકલી સટફિકેટ અને માર્કશીટ વેચતી હતી.
ભેજાબાજ મહિલાના સંપર્કમાં આવેલા ગુજરાત અને ગુજરાત બહારના એજન્ટોની ઓળખ કરી શોધખોળ હાથ ધરવામાં આવી છે.
દિલ્હીની ઠગ મહિલાએ ગૂગલમાં પણ નોકરી કરી હતી
રાજપીપળાની બિરસા મુંડા ટ્રાયબલ યુનિવર્સિટીની બોગસ ડિગ્રી સર્ટિફિકેટના તાર છેક દિલ્હીમાં નીકળતા પોલીસે દિલ્હીની ઠગ મહિલાની ધરપકડ કરી રિમાન્ડ મેળવ્યા છે.
બેવલાનન્દ નામની મહિલાએ ઉચ્ચ અભ્યાસ કર્યો છે. પોલીસ તપાસમાં મહિલાએ ગૂગલ તેમજ અન્ય કંપનીઓમાં પણ નોકરી કરતી હોવાનું બહાર આવ્યું છે. કોમ્પ્યુટરનો ઉચ્ચ અભ્યાસ ધરાવતી મહિલાના ગુજરાત સહિત ભારતભરમાં ૩૧ જેટલા એજન્ટો હોવાનું પ્રાથમિક તપાસમાં બહાર આવ્યું છે.
[ad_2]
Source link
