વડોદરા: પૂર્વ વિસ્તારમાં સાયકલ ટ્રેક નુ આયોજન, સ્વેચ્છાએ દબાણ હટાવ્યા

[ad_1]

વડોદરા, તા. 21 જાન્યુઆરી

વડોદરા શહેરના પૂર્વ વિસ્તારમાં ટ્રાય આકારમાં સાયકલ ટ્રેક નું નિર્માણ થવા જઇ રહ્યું છે. ત્યારે સ્ટેન્ડિંગ કમિટીના ચેરમેને ટીમને સાથે રાખી  સાયકલ ટ્રેકનું નિરીક્ષણ સાથે નડતરરૂપ દબાણો દૂર કરવા સૂચના અને સ્વચ્છતાની ઝુંબેશ હાથ ધરી હતી.

વડોદરા શહેરના આજવા અને વાઘોડિયાને જોડતા ટ્રેક પર સરદાર એસ્ટેટથી મહાવીર ચાર રસ્તા, સુલેમાન તીન રસ્તો, ઉમા અને વૃંદાવન ચાર રસ્તાથી સરદાર એસ્ટેટ સુધી ત્રિકોણાકાર સાયકલ ટ્રેકનું આયોજન કરવામાં આવ્યું છે. 1.88 કરોડના ખર્ચે લગભગ ચાર કિલોમીટર લાંબો સાયકલ ટ્રેક બનાવવામાં આવશે. કોરોનાના સમયમાં લોકો સ્વાસ્થ્ય પ્રત્યે જાગૃત બન્યા છે. આ વિસ્તારમાં સાયકલ ટ્રેકની સુવિધા શરૂ કરીને ખેલાડીઓને ફાયદો થાય તે હેતુથી આ સાયકલ ટ્રેકનું નિર્માણ થવા જઇ રહ્યું છે. 36 મીટર પહોળા રોડ પર જ્યાં કાચો રસ્તો હતો ત્યાં સાઇડ રોડ પર સાઇકલ ટ્રેક બનાવાશે. માત્ર સાયકલ સવારોને લઈ જઈ શકે તેવા વાહનો સિવાયના વાહનોને ચલાવવાની મંજૂરી આપવામાં આવશે નહીં. રોડ પર સાયકલ ટ્રેક માટે સાઈન બોર્ડ મુકવામાં આવશે. ત્યારે આજરોજ સ્ટેન્ડિંગ કમિટીના ચેરમેને એન્જિનિયર, વહીવટી વોર્ડ, કોર્પોરેટર અને સંગઠન સહિતના અગ્રણીઓને સાથે રાખી સાયકલ ટ્રેકનું નિરીક્ષણ કર્યું હતું. અને રસ્તામાં આવતા દબાણો સ્વેચ્છાએ દૂર કરવા જરૂરી સૂચન સાથે નડતરરૂપ દબાણો પણ દૂર કર્યા હતા. જેથી માર્ગ ઉપર સ્વસ્થતાની સાથે વાહન ચાલકોને સ્પષ્ટ વિઝન પણ મળી રહે.

[ad_2]

Source link