વલસાડ જિલ્લા પોલિસે મંગળવારે વર્ષ 2025 દરમિયાન પ્રોહિબિશન કાયદા હેઠળ જપ્ત કરાયેલા કુલ ₹64,82,19,927 કિંમતના ગેરકાયદેસર દારૂના મુદ્દામાલનો ભિલાડ આરટીઓચેકપોસ્ટ ખાતે વિધિવત નાશ કર્યો હતો. આ મુદ્દામાલમાં જિલ્લાની વિવિધ પોલિસ સ્ટેશનો પાસેથી જપ્ત કરાયેલી કુલ 3,01,084 દારૂની બોટલોનો સમાવેશ થાય છે.
પારડી વિભાગ:
પારડી પોલિસ સ્ટેશને સૌથી વધુ 99,530 બોટલ જપ્ત કરી હતી, જેની કિંમત ₹2,00,32,310 હતી.
વાપી વિભાગ
વાપી વિભાગની વિવિધ પોલિસ સ્ટેશનોએ મોટા પ્રમાણમાં મુદ્દામાલ જપ્ત કર્યો હતો. વાપી ટાઉન પોલિસ સ્ટેશને 29,715 બોટલ (કિંમત ₹71,77,365), વાપી ઉદ્યોગનગર સ્ટેશને 3,986 બોટલ (કિંમત ₹12,57,629), વાપી ડુંગરા સ્ટેશને 32,432 બોટલ (કિંમત ₹50,59,652), ભિલાડ સ્ટેશને સૌથી વધુ 55,661 બોટલ (કિંમત ₹12,99,69,337), ઉમરગામ સ્ટેશને 1,075 બોટલ (કિંમત ₹2,27,940), મરીન ઉમરગામ સ્ટેશને 2,929 બોટલ (કિંમત ₹9,56,155) અને વાપી રેલ્વે સ્ટેશને 19,510 બોટલ (કિંમત ₹14,22,232) જપ્ત કરી હતી.
ધરમપુર વિભાગ:
ધરમપુર સ્ટેશને 3,042 બોટલ (કિંમત ₹9,60,698), નાનાપોંઢા સ્ટેશને 2,053 બોટલ (કિંમત ₹3,60,859) અને કપરાડા સ્ટેશને માત્ર 36 બોટલ (કિંમત ₹15,636) જપ્ત કરી હતી.
વલસાડ વિભાગ:
વલસાડ સિટી સ્ટેશને 5,133 બોટલ (કિંમત ₹10,71,419), વલસાડ રૂરલ સ્ટેશને 38,634 બોટલ (કિંમત ₹1,12,79,754), ડુંગરી સ્ટેશને 9,443 બોટલ (કિંમત ₹27,16,479) અને વલસાડ રેલ્વે સ્ટેશને 7,668 બોટલ (કિંમત ₹5,66,862) જપ્ત કરી હતી.
મુદ્દામાલ નાશ કાર્યક્રમમાં ઉપસ્થિત અધિકારીઓ
આ મહત્વપૂર્ણ કાર્યક્રમમાં પ્રાંત અધિકારીશ્રી વલસાડ વિમલ એચ. પટેલ, પ્રાંત અધિકારીશ્રી પારડી એન.સી. પટેલ, પ્રાંત અધિકારીશ્રી ધરમપુર આર.સી. પટેલ, મદદનિશ પોલિસ અધિક્ષક ધરમપુર વિભાગ ડૉ. સંદીપ ટી (IPS), નાયબ પોલિસ અધિક્ષક (SDPO) વલસાડ એ.કે. વર્મા, નાયબ પોલિસ અધિક્ષક (SDPO) વાપી બી.એન. દવે, ઇન્સ્પેક્ટર નશાબંધી અને આબકારી વિભાગ વલસાડ એ.એસ. પટેલ તેમજ જિલ્લાના તમામ થાણા અધિકારીઓ ઉપસ્થિત રહ્યા હતા.
જિલ્લા પોલિસ અધિક્ષક યુવરાજસિંહ જાડેજાએ જણાવ્યું હતું કે પ્રોહિબિશન કાયદાનો કડક અમલ કરવાની ઝુંબેશ સતત ચાલુ રહેશે અને ગેરકાયદેસર દારૂના વેપાર સામે કડક કાર્યવાહી કરવામાં આવશે. સરકારના ગૃહ વિભાગના ઠરાવ અનુસાર આ સમગ્ર મુદ્દામાલનો વિધિવત નાશ કરવામાં આવ્યો છે.
