[ad_1]
વડોદરા,સયાજીપુરા ટાઉનશિપ પાસે વ્હાઇટ વુડાના મકાનમાં વિદેશી દારૃનો જથ્થો રાખી તેનું વેચાણ કરતા હોવાની માહિતીના આધારે પોલીસે રેડ પાડીને ૬૧ હજાર ઉપરાંતનો દારૃ અને બિયરનો જથ્થો કબજે કર્યો છે.જ્યારે બે આરોપીઓની શોધખોળ હાથ ધરી છે.
બાપોદ પોલીસનો સ્ટાફ ગઇકાલે પેટ્રોલિંગમાં હતો.તે દરમિયાન સયાજી ટાઉનશિપ રોડ અવધ ડૂપ્લેક્સ પાસે આવતા પી.આઇ.યુ.જે.જોશીને માહિતી મળી હતી કે, વ્હાઇટ વુડાના બ્લોકમાં એક મકાન લાંબા સમયથી બંધ હાલતમાં છે.આ મકાનમાં અજય અમરાભાઇ દેસાઇ અને રાહુલ ઉર્ફે દાંતરો (બંને રહે.વ્હાઇટ વુડાના મકાનમાં) વિદેશી દારૃનો જથ્થો સંતાડીને વેચાણ કરે છે.જેથી,પોલીસે ઉપરોક્ત સ્થળે જઇને રેડ કરતા રસોડાની સામેના રૃમમાંથી વિદેશી દારૃની ૪૦૭ બોટલ કિંમત રૃપિયા ૫૯ હજાર અને બિયરના ૨૩ ટીન કિંમત રૃપિયા ૨,૭૬૦ ના મળી આવ્યા હતા.પરંતુ,આરોપી મળી આવ્યા નથી.પોલીસે બંને આરોપીઓની શોધખોળ હાથ ધરી છે.
[ad_2]
Source link
