[ad_1]
– પરિવાર સાથે વહેલી સવારે મેરોથોન દોડમાં ભાગ લેવા ગયા હતાઃ પાછળનો દરવાજો ખુલ્લો રહી જતા ચોર ત્યાંથી પ્રવેશ્યો હતો
(પ્રતિનિધિ દ્વારા) સુરત, સોમવાર
ઉમરા ગામની જલદર્શન સોસાયટીમાં રહેતા ઉદ્યોગપતિ પરિવાર ગત રોજ વહેલી સવારે મેરોથોન દોડમાં ભાગ લેવા ગયા ત્યારે ઘરના પાછળનો દરવાજો ખુલ્લો હોવાની તકનો લાભ લઇ અંદર પ્રવેશી લાકડાના કબાટમાંથી રોકડા રૂ. 1.51 લાખની મત્તા ચોરીને ભાગી ગયો હતો.
ઉમરા ગામ સ્થિત ઉમરીગર સ્કૂલની બાજુમાં જલદર્શન સોસાયટીના બંગલા નં. 40માં રહેતા રોહન અશ્વીન દેસાઇ (ઉ.વ. 42) અને સચિન જીઆઇડીસી ખાતે એથર ઇન્ડસ્ટ્રીઝ લિ. નામે કેમિકલ પ્રોડક્ટની ફેક્ટરી ધરાવે છે. ગત રોજ સવારે 6 વાગ્યે રોહન અને તેના પિતા તથા માતા પૂર્ણિમાબેન વેસુ વીઆઇપી રોડ ગેલ કોલોની સામે રોટરી ક્લબ ઓફ સુરત દ્વારા આયોજીત મેરોથોન દોડમાં ભાગ લેવા ઘરના મેઇન દરવાજાને લોક કરીને ગયા હતા. પરંતુ 9.30 કલાકે આવ્યા ત્યારે માતા પૂર્ણિમાબેનના રૂમનો પાછળનો દરવાજો ખુલ્લો હોવાની તકનો લાભ લઇ ચોર અંદર પ્રવેશી લાકડાના કબાટના ડ્રોઅરનું લોક તોડી તેમાંથી રોકડા રૂ. 1.51 લાખની મત્તા ચોરીને ભાગી ગયો હતો. ઘટના અંગે રોહને દેસાઇએ ઉમરા પોલીસમાં ફરીયાદ નોંધાવતા સીસીટીવી ફૂટેજના આધારે ચોરની શોધખોળ હાથ ધરી છે.
[ad_2]
Source link
