[ad_1]
– 7 મોબાઇલ ખરીદી પધરાવેલો બોગસ ચેક રિટર્ન આવતા ફરિયાદ
વડોદરા,તા.24 માર્ચ 2022,ગુરૂવાર
વડોદરા જિલ્લાના પાદરા, શિનોરના મોબાઇલ શોપકિપરની જેમ વાઘોડિયામાં પણ સરખી મોડસ ઓપરેન્ડી અપનાવીને શોપ કિપર પાસેથી રૂ. 1,22,930/- ની કિંમતના 7 મોબાઇલની ખરીદી કરી હતી. બદલામાં બોગસ ચેક આપીને વેપારીને નવડાવ્યો હોવાથી ફરિયાદ નોંધાઇ છે.
વડોદરા જિલ્લાના સમિયાલા નજીક લક્ષ્મીપુરા ગામના મયુર નગરમાં રહેતા અને હાલ ખટંબાની સોસાયટીમાં રહેતા 28 વર્ષીય વેપારી અજય રમેશ ચાવડાએ પોલીસ ફરિયાદ નોંધાવી હતી કે વાઘોડિયા તાલુકાના પવલેપુરા ગામની સીમમાં ગાયત્રી મંદિરની સામે અક્ષર રેસીડેન્સી આવેલી છે. ત્યાં તેઓ મોબાઇલ શોપ ધરાવે છે. તેની દુકાને જાન્યુઆરી માસની તા. 21ના રોજ બપોરે 2:30 વાગ્યે નર્મદા જિલ્લાના નાંદોદ તાલુકાના નિકોલીના પાદર ફળિયામાં રહેતા
નયન કાન્તીલાલ પટેલ આવ્યા હતા. અને 7 મોબાઇલ ફોન કિંમત રૂ. 1,22,930/-ની ખરીદી કરી હતી. બાદ રોકડા નાણાના બદલે ખાનગી બેન્કનો રૂ. 1,61,920/- નો ચેક આપ્યો હતો. તે પછી પત્ની માટે વિવો નો મોબાઈલ લેવાનો છે. તેમ કહી સેમ્પલનો રૂ.38,990નો મોબાઇલ જોયો હતો. જે અડધો કલાક પછી આવીને લઈ જાઉં તેમ જણાવીને નયન જતો રહ્યો હતો. નયને આપેલો ચેક બેંકમાં ડિપોઝિટ કરાવ્યો હતો. જે સાઈન ડીફર ના શેરા પરત ફર્યો હતો. તેથી બાકી નીકળતાં નાણાં વારંવાર માગવા છતાં આજદિન સુધી મોબાઇલ ફોનના નાણાં નહીં આપતા વાઘોડિયા પોલીસ મથકે નયન સામે વિશ્વાસઘાત કર્યો હોવાની ફરિયાદ નોંધાઇ છે.
[ad_2]
Source link
