વડોદરા કોર્પોરેશનમાં નવી ભરતી નહીં થતાં સ્ટાફની અછત

[ad_1]

– સુએજ ટ્રીટમેન્ટ પ્લાન્ટ અને પમ્પિંગ સ્ટેશનનો ચલાવવા માટે આઉટસોર્સિંગ કરવું પડે છે

વડોદરા, તા. 01 જાન્યુઆરી

વડોદરા મ્યુનિસિપલ કોર્પોરેશનમાં કર્મચારીઓની નિવૃતી બાદ નવી ભરતી નહીં થતાં સ્ટાફની અછત તેમજ સ્કીલ્ડ સ્ટાફ નહીં હોવાથી ખાસ તો સુએજ ટ્રીટમેન્ટ પ્લાન્ટ અને પમ્પિંગ સ્ટેશનનો ચલાવવા માટે મુશ્કેલી પડતી હોવાથી કોર્પોરેશનને આઉટસોર્સિંગ નો સહારો લેવો પડે છે. ટ્રીટમેન્ટ પ્લાન્ટ અને પમ્પિંગ સ્ટેશનના મેન્ટેનન્સ અને ઓપરેશન માટે કોન્ટ્રાક્ટ આપવાની જરૂરિયાત ઊભી થાય છે .આ અંગે કોર્પોરેશનના વર્તુળો જણાવે છે કે કોર્પોરેશનના કુલ બજેટ માટે 5૦ ટકાથી વધુ ખર્ચ પગારના હેડ પર ન પડે તે પણ જોવું પડે છે .ઉપરાંત પીએફ અને પેન્શન તથા કાયમી કર્મચારીને મળતા લાભો અને પગાર વધારાના બોજમાંથી રાહત મળે તે માટે કોન્ટ્રાક્ટ પદ્ધતિ અપનાવી છે . જો કે વિરોધ પક્ષ કોંગ્રેસ તો કોર્પોરેશનમાં કોન્ટ્રાક્ટ પદ્ધતિનો વિરોધ કરતાં કહે છે કે કોન્ટ્રાક્ટર ના કર્મચારીઓ જવાબદારીપૂર્વક વર્તતાં નથી. ઓછા પગાર માં કર્મચારીઓ પાસે કામ કરાવે છે અને શોષણ કરે છે .ઘણીવાર કોન્ટ્રાક્ટરો સમયસર પગાર પણ કરતા નથી. આ સંજોગોમાં કાયમી ભરતી કરવા માંગણી કરતા રહે છે. સ્ટેન્ડિંગ સમિતિ એ અટલાદરા ખાતે ના 43 એમ એલ ડી ક્ષમતાના બે પ્લાન્ટ તાલીમબદ્ધ સ્ટાફ નહીં હોવાથી 4 .19 કરોડના ખર્ચે ત્રણ વર્ષ ઓપરેશન અને મેઇન્ટેનન્સ માટે કોન્ટ્રાક્ટ પર આપ્યો છે. અગાઉ તરસાલી, સૈયદ વાસણા અને તાંદલજા ખાતે ના પંપીંગ સ્ટેશન પણ ત્રણ વર્ષની મુદત માટે આશરે 68 લાખના ખર્ચે ચલાવવા અને તેની નિભાવણી કરવા ઈજારા પર અપાયા છે.

[ad_2]

Source link