[ad_1]
વડોદરા, તા. 02
વડોદરા કોર્પોરેશનને આપેલી સુવિધા પ્રમાણે વેરા વસૂલવાની માંગ ભાયલી વિસ્તારની મિક્લતોના છેલ્લા ત્રણ વર્ષના સમયગાળા વેરા બિલો મ્યુનિસિપલ કોર્પોરેશન દ્વારા પુરી પાડવામાં આવતી સવલતો પ્રમાણે આપવા ભાયલીના રહીશોએ મ્યુનિસિપલ કમિશનરને રજૂઆત કરી છે.
વડોદરા શહેરના વોર્ડ નંબર 11 માં સમાવિષ્ટ ભાયલી વિસ્તારના રહીશોએ મ્યુનિસિપલ કમિશનર શાલીનીબેન અગ્રવાલને પાઠવેલા આવેદનપત્રમાં જણાવ્યું હતું કે, ભાયલી વિસ્તારનો વુડા માંથી વર્ષ 2020 દરમ્યાન કોર્પોરેશનની હદમાં સમાવેશ થયો છે. હાલમાં ભાયલી વિસ્તાર વોર્ડ નંબર-11ના વેરાના બિલો માં સામાન્ય વેરો, શિક્ષણ વેરો , કંજરવનસી , સુએજ ટેક્ષ, સફાઈ ચાર્જનો ઉલ્લેખ છે. જે તે વિસ્તારના લોકોને મૂળભૂત પાયાની સવલતો, જીવન જરૂરિયાતની સગવડો પુરી પાડવાની બંધારણીય, વહીવટી જવાબદારી જે તે વિસ્તારનો વેરો ઉઘરાવતી સંસ્થાની રહેલી છે. આમ , આ તમામ સવલતો,સગવડો પુરી પાડવાની જવાબદારી વડોદરા મુનિસિપલ કોર્પોરેશન ની હોવા છતાં પણ તે પૂરી ન પાડીને બધી જ જાતના ટેક્ષ, ચાર્જિસ બિલોમાં સામેલ કરીને, આકારણી કરીને ટેક્ષના બિલો ભાયલી વિસ્તાર ના લોકોને આપવામાં આવ્યા છે. જે કાયદાની વિરુદ્ધ છે જેથી અમારી માંગણી છે કે, કોર્પોરેશન દ્વારા જેટલી સવલત આપવામાં આવ્યું હોય તે પ્રમાણેના જ વેરા બિલો આપવામાં આવે.
[ad_2]
Source link
