જામનગર નજીક ચેલા ગામના પાટિયા પાસે રસ્તો ઓળંગી રહેલા ટ્રાન્સપોર્ટ પેઢીના એક કર્મચારીનું કારની ઠોકરે અંતરિયાળ મૃત્યુ

[ad_1]

જામનગર, તા. 24

જામનગર ની ભાગોળે ચેલા ગામના પાટિયા પાસે રસ્તો ઓળંગી રહેલા એક ટ્રાન્સપોર્ટની પેઢીના કર્મચારીનું પૂરપાટ વેગે આવી રહેલી કારની ઠોકરે કચડાઈ જવાથી ઘટનાસ્થળે જ કમકમાટીભર્યુ મૃત્યુ નિપજયું છે.

જામનગર ના વિનાયક પાર્ક સોસાયટી વિસ્તારમાં રહેતા અને ચેલા બાયપાસ ચોકડી નજીક આવેલી ઈસ્ટ-વેસ્ટ ટ્રાન્સપોર્ટ કંપની માં બિલ્ટી બનાવવાનું કામ કરતા રાજેશભાઈ બાબુલાલભાઇ પરમાર નામના 50 વર્ષના કર્મચારી આજે સવારે 11 વાગ્યાના અરસામાં ખાનગી વાહનમાં બેસીને ટ્રાન્સપોર્ટ કંપનીમાં નોકરી કરવા માટે ગયા હતા, અને ચેલા રોડ પર ખાનગી વાહનમાંથી ઉતરીને રસ્તો ઓળંગી પોતાની ઓફિસે જઈ રહ્યા હતા.

જે દરમિયાન લાલપુર તરફથી પુરપાટ ઝડપે આવી રહેલી જી.જે.-11 આ.એન.-2961 નંબરની અલ્ટો કારના ચાલકે તેઓને હડફેટમાં લઇ કચડી નાખતાં ઘટનાસ્થળે જ કમકમાટીભર્યુ મૃત્યુ નિપજયું હતું.

આ બનાવ અંગેની જાણ થતાં પંચકોશી બી ડિવિઝન નો પોલીસ કાફલો ઘટનાસ્થળે દોડી ગયો હતો, અને અકસ્માત સર્જનાર કાર કબજે કરી લીધી છે, જ્યારે મૃતદેહ નો કબજો સંભાળી પોસ્ટમોર્ટમની કાર્યવાહી હાથ ધરી છે.

[ad_2]

Source link