બાંગ્લાદેશમાં હિન્દુઓ પર વધતા અત્યાચારો તથા તાજેતરમાં હિન્દુ યુવાન દીપુ ચંદ્ર દાસની નિર્મમ હત્યાના વિરોધમાં આજે ધરમપુરમાં હિન્દુ સમાજ દ્વારા આક્રોશ પ્રદર્શન યોજાયું. વિશ્વ હિન્દુ પરિષદ અને બજરંગ દળ, ધરમપુરના સંયુક્ત આયોજન હેઠળ ત્રણ દરવાજા વિસ્તારમાં સાંજે 7 વાગ્યે યોજાયેલા આ પ્રદર્શન દરમિયાન મોટી સંખ્યામાં કાર્યકર્તાઓ અને નગરજનો ઉપસ્થિત રહ્યા હતા.

પ્રદર્શન દરમિયાન ઉપસ્થિત આગેવાનોએ જણાવ્યું હતું કે બાંગ્લાદેશમાં હિન્દુ અલ્પસંખ્યકો પર થતા હુમલાઓ સતત વધી રહ્યા છે અને દીપુ ચંદ્ર દાસની ઘટના માનવ અધિકારો માટે ગંભીર ચેતવણી સમાન છે. માત્ર પોતાની ઓળખ અને વિચારો વ્યક્ત કરવાના કારણે એક નિર્દોષ યુવાનની હત્યા થવી માનવતા માટે શરમજનક બાબત હોવાનું તેમણે જણાવ્યું.

કાર્યક્રમ દરમિયાન શાંતિપૂર્ણ રીતે નારા લગાવી બાંગ્લાદેશમાં હિન્દુઓ પર થતા અત્યાચાર તાત્કાલિક બંધ કરવામાં આવે તેવી માંગ કરવામાં આવી હતી. સાથે જ ભારત સરકાર તથા આંતરરાષ્ટ્રીય માનવ અધિકાર સંસ્થાઓ આ મુદ્દે ગંભીરતાથી દખલ આપે તેવી અપીલ પણ કરવામાં આવી હતી.

આ પ્રસંગે આગેવાનોએ કહ્યું કે “આજે દીપુ દાસ છે, કાલે કોઈનો ભાઈ કે કોઈનો પુત્ર હોઈ શકે,” તેથી હિન્દુ સમાજે એકતા સાથે જાગૃત રહેવાની જરૂર છે. સમગ્ર કાર્યક્રમ શાંતિપૂર્ણ રીતે પૂર્ણ થયો હતો.

ઉલ્લેખનીય છે કે આ પ્રદર્શન નક્કી થયા બાદ અને યોજાય ત્યાં સુધીના સમયગાળામાં દીપુ ચંદ્ર દાસ જેવી જ વધુ એક ઘટનામાં બાંગ્લાદેશમાં અમૃત મંડલ નામના હિન્દુ યુવકની પણ ટોળા દ્વારા માર મારી હત્યા થવાની ઘટના સામે આવી છે

આ પ્રદર્શનમાં વિશ્વ હિન્દુ પરિષદ જિલ્લા મંત્રી રાકેશભાઈ રાણા, સહમંત્રી નિલેશભાઈ પટેલ,ધરમપુર પ્રખંડ બજરંગ દળના સંયોજક યુવરાજસિંહ સોલંકી ઉપરાંત જય દિવેચા,અંકિત ચોંનકર અને નગરપાલિકા પ્રમુખ મયંક મોદી,ભાજપ શહેર પ્રમુખ અમિત ચોરેરા, સંજયભાઈ સરદેસાઈ, કલ્પેશભાઈ કાપડિયા,સમીપ રાંચ વગેરે નગરના આગેવાનો અને બજરંગ દળના આગેવાનો, કાર્યકર્તાઓ તથા હિન્દુ સમાજના લોકો મોટી સંખ્યામાં જોડાયા હતા.

શું મજૂરો માટે ઇન્સ્યોરન્સ લેવામાં આવ્યા હતા કે કેમ ? પેટા કોન્ટ્રાક્ટ કોનો હતો..? શું બ્રિજ નો કોન્ટ્રાક્ટ જે કંપની લીધો હતો તે કાયદેસર રીતે પેટા કોન્ટ્રાક્ટ આપી શકે ?

વલસાડના ઓરંગા નદી ઉપર બનાવવામાં આવી રહેલો નવનિર્મિત બ્રિજનો ગાર્ડન અચાનક ટેકાને સમાંતર કરવા જતી વેળાએ તૂટી પડતા પાંચ જેટલા મજૂરોને ઈજાઓ પહોંચી છે 42 કરોડના ખર્ચે બની રહેલા આ બ્રિજની કામગીરી કઈ કંપની કરી રહી છે કોણ એનો કોન્ટ્રાક્ટર છે એ અંગે હજુ વહીવટી તંત્ર એ હોળ શુદ્ધ પાડ્યો નથી કે કોન્ટ્રાક્ટર મહાશય પણ ઘટના સ્થળે દેખાયા હોય એવો કોઈ જગ્યાએ ઉલ્લેખ કરાયો નથી ત્યારે અહીં સવાલ એ થાય છે કે આ પ્રકારની કામગીરી કરનારા કોન્ટ્રાક્ટર સામે વહીવટી તંત્ર તેનો બચાવ કરી રહ્યું છે કે તેની સામે કાયદાકીય પગલા ભરવા માટેની કામગીરી કરી રહ્યો છે અનેક સવાલો હાલ ચર્ચા ની એરણ એ ઉઠ્યા છે.

ગઈકાલે વહેલી સવારે બનેલી બ્રિજનું ગાર્ડન તૂટી પડવાની ઘટનામાં કુલ પાંચ જેટલા મજૂરોને નાની મોટી ઇજાઓ પહોંચી હતી આ તમામ મજૂરોને સારવાર માટે વલસાડની કસ્તુરબા હોસ્પિટલમાં ખસેડવામાં આવ્યા હતા જ્યાં વલસાડ જિલ્લા વહીવટી તંત્રના અધિકારીઓ સ્થળ ઉપર પહોંચીને ઘટનાનું નિરીક્ષણ કર્યું હતું તેમજ ઈજાગ્રસ્તોને સારવાર માટે હોસ્પિટલમાં ખસેડવામાં આવ્યા બાદ જિલ્લા કલેકટરે પણ મજૂરોની મુલાકાત લીધી હતી અને તેમના ખબર અંતર પૂછ્યા હતા ત્યારે અહીં સવાલ એ થાય છે કે 42 કરોડના ખર્ચે બની રહેલા આ બ્રીજના કામમાં મજૂરો જ્યારે કામ કરી રહ્યા હતા ત્યારે શું તેમની પાસે સેફ્ટીબેલ્ટ તેમજ સેફ્ટીના સાધનો ઉપલબ્ધ હતા શું આ તમામ મજૂરોના લેબર ઇન્સ્યોરન્સ લેવામાં આવ્યા હતા કે કેમ? આટલી મોટી ઘટના બાદ તાત્કાલિક ધોરણે આવા કોન્ટ્રાક્ટરને બ્લેકલિસ્ટ કરવા જોઈએ એવી પણ એક તરફથી માંગ ઉઠી રહી છે તો બીજી તરફ મૂળ કોન્ટ્રાક્ટ કોન હતો અને તેને પેટા કોન્ટ્રાક્ટ તરીકે કોને આપવામાં આવ્યો હતો? શું કાયદાકીય રીતે કોઈ કંપની પેટા કોન્ટ્રાક્ટ આપી શકે? જેવા અનેક સવાલો ચર્ચાનો વિષય બન્યા છે તો બીજી તરફ કોન્ટ્રાક્ટર મહાશય કોઈ રાજકીય અગ્રણીના ઓથા હેઠળ હોય વહીવટી તંત્ર તેની સામે કાયદાકીય પગલા ભરવાને સ્થાને તેને બચાવી રહ્યા હોય તેવું હાલ તો ચિત્ર જણાઈ રહ્યું છે પુલ બનવા પહેલા જ આવી ગંભીર બેદરકારી થતી હોય તો ગંભીર બેદરકારી સામે કાયદાકીય રીતે કોન્ટ્રાક્ટર સામે ગુનો દાખલ કરવો જોઈએ જેથી કરીને મજૂરો માટે સેફ્ટીના સાધનો તેમજ ક્યારે પણ અન્ય કોન્ટ્રાક્ટર કોઈ આવી બેદરકારી ન રાખવી જથી કરીને આવી કોઈ મોટી ઘટના ઓ ન બને .. હાલ તો કોન્ટ્રાક્ટર કોણ છે અને તેઓ આ ઘટના બન્યા બાદ સ્થળ પર આવ્યા કે કેમ? તે અંગે પણ અનેક અધિકારી અને લોકોમાં ચર્ચાનો વિષય બન્યો છે અને આટલી મોટી ઘટના બાદ માત્ર સમિતિની રચના કરીને તેના રિપોર્ટ આવ્યા બાદ કોન્ટ્રાક્ટર સામે કાર્યવાહી કરવાની જિલ્લા કલેકટરે બાહેધરી આપી છે ત્યારે હવે આ સમિતિ નો રિપોર્ટ ક્યારે આવશે અને કોન્ટ્રાક્ટર સામે  કેવી કાર્યવાહી થશે એ તો સમય જ બતાવશે

જે સી બી મશીનના ઉપયોગ વડે નદી કિનારે રેતી ચારણા મૂકી રેતી ચાળીને ટ્રકો ભરાય છે તંત્ર નિદ્રાધીન 

વલસાડ જિલ્લાના ખાણ ખનીજ વિભાગ જાણે છેલ્લા કેટલાક સમયથી ઘોર નિદ્રા માં હોય એમ જણાય રહ્યું છે. ધામની કુંડા પાસે નવ નિર્મિત બ્રિજ ની ચાલી રહેલી કામગીરી પાસે નદીના પટ માં રેતી માટે ચરણા મૂકી જે સી બી મશીન વડે મોટા પાયે નદી માંથી ગેરકાયદેસર રેતી કાઢી ને તેમાં ચાળી ને આ રેતી ટ્રકો દ્વારા વેચી દેવાનું કૌભાંડ છેલ્લા કેટલાક સમય થી ચાલી રહ્યું છે વહેલી પરોઢિયે 6 વાગ્યા થી શરૂ થતી આ પ્રવૃતિ રાત્રે 8 વાગ્યા સુધી ધમધમી રહી છે.પરંતુ કેટલાક રાજકીય આગેવાનો ના છુપા આશીર્વાદ ને કારણે આ પ્રવૃતિ વધુ વેગવંતી બની રહી છે.

પ્રાપ્ત માહિતી મુજબ કપરાડા અને ધરમપુર વચ્ચે થી વહેતી પાર નદી ઉપેન ધામની અને કુંડા ગામ વચ્ચે જુના લોનલેવલ બ્રિજ પાસે નદી ના કિનારે રેતી ચાળી ને તેને ટ્રકોમાં ભરી ભરીને વેચી દેવાનો કારભાર કેટલાક સ્થાનિક ઇસમો કરી રહ્યા છે એના માટે તેઓ જે સી બી મશીન નો ઉપયોગ કરી રહ્યા છે.જે સી બી મશીન દ્વારા નદીના પાણી માંથી રેતી નો જથ્થો કાઢી તેને ચારણાં વડે ચાળી ને ઝીણી કાળી રેતી જેની ડિમાન્ડ વધુ છે તે ટેકો માં ભરી ને ધરમપુર તરફ લઈ જવાઈ રહી છે.સવારે 6 વાગ્યા થી શરૂ થઈ જતી આ પ્રવૃતિ બે રોકટોક બેફામ ચાલી રહી છે નજીક માં જ નવા બ્રિજ ની કામગીરી કરવામાં આવી રહી છે ક્યાય એમાં પણ આ રેતી નો ઉપયોગ તો નથી થઈ રહ્યો ને ? એ પણ તપાસ નો વિષય છે .વળી સ્થાનિક કેટલાક તત્વો રાજકીય અગ્રણીઓ ની આગળ પાછળ ફરી ને રેતી કાઢવાનું કૌભાંડ ચલાવી રહ્યા છે ભૂતકાળ માં પણ ખાન ખનીજ વિભાગે ટ્રેક અને જે સી બી તેના પકડી લેતા અંદાજે ૩ લાખ નો દંડ ફેટકાર્યો હતો તેમ છતાંપણ વાહનો છોડાવ્યા બાદ પણ તે વ્યક્તિ સુધર્યો નથી અને ફરી થી પૈસા ની લાલચ માં રેતી નો કારોબાર ફરી શરૂ કરી દીધો હોવાનું જાણવા મળી રહ્યું છે ત્યારે સમગ્ર બાબતે તપાસ થાય અને જળ જંગલ જમીન ને નુકશાન પહોંચાડી રહેલા આવા ઇસમ સામે કાર્યવાહી કરવામાં આવે એવી માંગ ઊઠવા પામી છે.